Loksins eitthvað raunhæft í gangi.

Ég hef gagnrýnt það annarstaðar í bloggi mína hve mikið er gasprað en lítið um raunhæfar aðgerðir. Það skyldi þó aldrei vera að loksins núna sé eitthvað það að gerast sem hefði átt að byrja á stax í nóvember.  Ef það hefði verið gert strax að koma fram með framboðslista og þjóðinni hefði verið boðið upp á nýjan, raunverulegan valkost, væri búið að ákveða kosningar fyrir löngu. Því miður hafa mótmælendaslagorðin verið flest í eina átt. Heimtað niðurrif á núverandi kerfi án þess að benda á lausnir og uppbyggilega hluti. En þó er  það það sem þjóðin þarfnast mest núna. Að öskra og berja potta er sjálfsagt góð þerapía til að losna við ergelsi og pirring yfir ástandinu, en það er ekki raunhæf aðferð til bjarga þjóðfélaginu frá gjaldþroti.

Ég veit ekkert hvort eitthvað af viti kemur út úr þessu framboði og þaðan af síður hvort það muni verða það burðarmikið til að tekið landsstjórnina á herðar sér. En þarna er þó altént fólk sem er að gera eitthvað raunhæft.

Kveðja;

Huxi.

Nýtt þingframboð í undirbúningi

Hvernig á að framkvæma byltinguna?

Í dag baðst Hörður Torfason afsökunnar á sérlega ónærgætnum og ósmekklegu ummælum sínum, sem féllu í viðtali við blaðamann Mbl.is, vegna veikinda Geirs Haarde. Hafi hann þökk fyrir það. Það var gott að hann sá ljósið og ég vona að hann hafi gert sér grein fyrir því hversu margir tóku það nærri sér að heyra svona lágkúru úr munni hans. Mjög margir sem ég hef rætt við sögðust hafa gjörsamlega misst allt álit á Herði við þessi ummæli. Ég vona það Harðar vegna að álit fólks á honum vaxi eitthvað við þessa afsökunarbeiðni.

Ég hlustaði á flestar ræðurnar í dag og ég get ekki annað en furðað mig á því hve sumir eru gjörsamlega lausir við að geta komið fram af yfirvegun og skynsemi. Það var sérstaklega einhver konuskepna sem missti sig svo gjörsamlega í innihaldslausu slagorðagjammi að það fór langa leið með að eyðileggja allan trúverðugleika fundarins. En Hildur Helga var málefnaleg og kímin og fékk mann til að hlusta á sig. Guðmundur Andri Thorsson var leiðinlegur eins og vanalega og náði ekki að tendra neinn byltingaranda hjá mér.

Og nú spyr ég þá sem vita: Hvernig á að framkvæma þessa byltingu sem boðuð er af mótmælendum? Verður það gert með þeim tækjum sem við höfum, t.d. listakosningar til alþingis, stjórnarskrá breytt, aðrar listakosningar, nýja stjórnarskráin staðfest og síðan boðað til stjórnlagaþings? Eða á bara að ryðja stjórnvöldum út með harðri hendi, afnema stjórnarskrána og boða síðan til kosninga?

Verði fyrri leiðin valin, þá er nú ekki seinna vænna fyrir arkitekta Nýja-Ísland fara að koma saman framboðslistum til að bjóða fram. Sérstaklega þar sem krafan hefur verið Kosningar strax. Það er líka möguleiki að leggja undir sig einhvern gamlan og lúinn stjórnmálaflokk, svona eins og gert var við Framsókn núna um daginn. Annar möguleiki er að treysta á að Steingrímur J. haldi óánægjufylginu og láta VG redda þessu eftir kosningar...

Ef hins vegar meiningin er að gera alvöru byltingu hérna, þá er sú tilraun gjörsamlega dauðadæmd. Þjóð með jafn ríka lýðræðishefð lætur ekki bjóða sér að einhverjir sjálfskipaðir sápukassakóngar fari að segja henni fyrir verkum. Hvernig ætti líka að ákveða hver gerði hvað í þannig stjórn, hvernig hún yrði skipuð og hve lengi hún ætti að starfa?

Niðurstaða mín af þessum pælingum er sú að þeir sem mæta niður á Austurvöll, príla upp í ræðupúlt og hrópa: Niður með ríkisstjórnina, eru ábyrgðarlausir angurgapar. Það er ekki nóg að heimta og heimta án þess að geta komið með raunhæfar og praktískar lausnir. Ég hef a.m.k. ekki heyrt þær lausnir ennþá.

Því set ég hér að lokum fram 3 spurningar sem ég hef mikið leitað að svörum við, en ekki fundið hingað til. Verði svörin skynsamleg, þá er hægt að taka afstöðu til þess hvort búsáhaldabyltingin sé skynsamleg lausn á vandamálum þjóðarinnar, eða bara örvæntingarfull viðbrögð ráðþrota fólks við vandamáli sem það ræður ekki við.

1. Hvaða fólk á að koma á breytingum þegar ríkisstjórnin er farin frá?

2. Hvaða aðferðum á að beita við að breyta stjórnskipulaginu?

3. Hvernig verður farið að því að gera upp skuldir og eignir Íslands?

Með von um greið svör.

Huxi.

Baðst afsökunar á ummælum

Afsökunarbeiðni óskast...

...frá Herði Torfasyni. Hann vænir Geir um að nota veikindi sín sem púður í pólitíska reykbombu. Það er Herði kannski eðlislægt að hugsa á svona lágu plani en það er sem betur fer ekki algengt. A.m.k. ekki hjá því fólki sem ég þekki. Það sem Geir gerði var nákvæmlega það sem honum bar að gera. Að upplýsa þjóðina um að hann hefði tekið ákvörðun um að hætta í stjórnmálum og einnig ástæðu þess að hann kaus að gera það á þessum tímapunkti. Að tilkynna jafnframt að Sjálfstæðisflokkurinn vildi boða til kosninga  þann 9. maí, var í hæsta máta eðlilegt. Ekki veitti af að eyða óvissu með hug stærsta stjórnarflokksins.

 Þó að Hörður sé svo skyni skroppinn að skilja ekki að þetta eru hvort tveggja nauðsynlegar upplýsingar fyrir stjórnmálin í landinu, þá skilur þjóðin það. Meðal annars þess vegna er Hörður Torfason enginn umboðsmaður þjóðarinna á Austurvelli á morgun.

Hann ætti að halda sig heima og skammast sín. 

Kveðja;

Huxi

Sextándi mótmælafundurinn á morgun

Einkalíf Harðar.

Fyrst Herði er það óskiljanlegt í dag hvers vegna forsetisráðherra kemur fram með formlega tilkynningu um endalok stjórmálaferils síns og ástæður þess, þá hefur hann gleymt einhverju síðan hann gaspraði fjálglega um kynhneigð sína og fleiri mál í Samúel í gamla daga. Þá fannst honum sjálfsagt að bera einkamál sín á torg, - þó svo að þau kæmu ekki nokkrum manni við og skiptu almenning í landinu engu máli...

Kveðja;

Huxi.

Hænuskref í rétta átt

Umboðslausir ómerkingar.

Og hér er ég ekki að tala um ríkisstjórnina, heldur þennan ónefnda mótmælanda sem kemst svona smekklega að orði í fréttinni hér að ofan. Og að sjálfsögðu á þetta einnig við um Hörð Torfason, sem leyfir sér það að halda því fram að Geir sé að tilkynna um veikindi sín í pólitískum tilgangi. Og lætur svo að því liggja að þetta séu upplogin veikindi!!!

Hvernig í hárauðu helvítinu getur getur þetta hyski síðan komið gapandi í fjölmiðla og sagst vera "þjóðin". Ég er hluti af þessari þjóð og aldrei skal það verða minn fulltrúi. Aldrei. Ef þú, ónefndi mótmælandi, fengir nú slæmsku í kjaftagatið á þér, þá leyfi ég mér að fullyrða að Geir myndi  finna til samúðar með þér, þó að þú ættir hana alls ekki skylda fyrir skítlegt eðli þitt og rótarskap.

Hörður Torfa er að heimta að menn axli ábyrgð og segi af sér, út af hinum og þessum bommertum sem þeir eiga, að hans mati, sök á. Þegar hann svo kemur fram með svona rakalausan þvætting og dylgjur, þá verður ekki hjá því komist að manni bregði í brún. Menn hafa nú þurft að axla ábyrgð fyrir minni sakir en svona fimbulfamb. Þessi ummæli hans lýsa þvílíkum greindarskorti og fábjánahætti að hann getur aldrei orðið trúverðugur fulltrúi þjóðarinnar. Ekki það, að hann hafi nokkurn tíma verið trúverðugur. Í mínum huga byrjaði hann bara að gaspra niðrá Austurvelli til að auglýsa sjálfan sig og ævisöguna...  Og núna gerðist það óhjákvæmilega. Hann lenti í því núna eins og svo margir fábjánar, að tala það lengi að allir sáu endanlega hvílík andleg eyðimörk hann er, þegar kemur að því að ræða alvarlega hluti. Hann hefur nú frá haustdögum hvatt til niðurrifs og skemmdarverka á stjórn landsins og þeim lýðræðislegu leikreglum sem hér eru brúkaðar. En þegar kemur að því að segja til um hvað eigi að gera og hann er spurður hvort hann vilji ekki bjóða sig fram, þá er fátt um svör.  Nei, ég er listamaður og vinn ekki við neitt annað, var hið spaka svar gítargutlarans. Hann er svona eins og bjórvembillinn sem situr upp í stúku og kallar alla leikmennina inná vellinum fótalausa aumingja og dusilmenni. En þegar hann er spurður hvort hann vilji ekki bara taka við þjálfuninni á liðinu, þá ropar hann bara út í loftið...

Hörður Torfason. Axlaðu ábyrgð og láttu þig hverfa. Þú ert umboðslaus ómerkingur.

Kveðja;

Huxi.

„Ekki farin að finna til með honum ennþá“

Og hver er munurinn?

Er eitthvað minna slæmt að brjóta rúður í Fjármálaeftirlitinu eða lögreglustöðinni heldur en í þessari svokölluðu nornabúð? Er ekki fólki frjálst að mótmæla "friðsamlega"? Ekki voru mótmælendurnir niðri við Hótel Borg mikið að sýta það þó að þeir eyðilegðu tækjabúnað hjá 365, sem er einkafyrirtæki eins og Nornabúðin. Er það bara sumir sem er allt í lagi að skemma hjá en ekki hjá öðrum? Ef ég vil mótmæla athöfnum eiganda nornabúðarinnar er þá ekki sjálfsagt mál að skemma eigur hennar?

Kveðja;

Huxi.

Ráðist gegn Nornabúðinni

Ekkifréttastofa Moggans.

Enn ein ekkifréttin á Mbl.is. Ég spyr bara; hvar er Haukurinn?

Dularfulla „iPhone-stúlkan“ heldur vinnunni

Sálfræðiaðstoð óskast fyrir snar-geðveikan öfga-feminista, STRAX

Það sem hannaði þetta jólakort svona smekklega, ( það má víst ekki kyngreina gerandann, það er kallað mismunun), ætti að leita sér hjálpar. Það er greinilega eitthvað mikið að í heilabúinu á viðkomandi. Hvað er næsta skref hjá svona sjúkri sál? Það er kannski stutt í að þessi einstaklingur,  fari að leita uppi og myrða fólk af gagnstæðu kyni, til að koma í veg fyrir yfirvofandi nauðganir.

Þess þekkjast dæmin, mörg og ljót, frá útlöndunum að svona sjúkar sálir grípi til þannig ráða finnist þeim að ekki sé hlustað á þann stóra, eina og rétta sannleika sem þeim finnst þeir hafa fram að færa.

Ósáttir við jólakort femínista

Nákvæmni í tímaáætlunum og mælingum.

Það er greinilegt að það er fleira en tímaskynið er svolítið brogað hjá þessum snillingum, því þeir kunna ekki heldur á málband.  Miðað við myndirnar sem voru sýndar í fréttunum á RÚV þá skóf húsið utan í nokkur hús á leiðinni. Ef það hefur hvergi munað minna en 2 cm. þá hefðu þeir ekki skemmt fyrir milljónir á leiðinni. Í svona flutningum gildir að undirbúa sig vel og hafa tæki sem hæfa verkefninu s.s. vagn með stillanlegum fjöðrunarbúnaði (loftpúðafjöðrun).  Það hvarflar að manni að þarna hafi verið að verki menn sem ekki hafi kunnað til verka og haldið sig klárari en raun bar vitni.

Munaði „bara tveim sentimetrum“

Vanmáttug yfirvöld.

Það er að koma í ljós, aftur og aftur að þegar kemur að því að taka á málum þar sem framkvæmdaglaðir athafnamenn hafa farið út fyrir lög og leifi í verklegum framkvæmdum, þá eru skipulagsyfirvöld ósköp aumingjaleg í því að halda í hemilinn á viðkomandi og sjá til þess að reglum sé framfylgt. 

Þegar það var enn í reglum að sumarhús mættu ekki vera stærri en 60m2 þá var það einn framkvæmdaglaður sem stækkaði húsið sitt í 118m2 með því að byggja við það stækkun, baðhús, grillhús og sólpalla án nokkurrar heimildar. Þegar loks var búið að dæma í málinu þá var viðkomandi gert að fjarlægja 11 m2 baðhús og eina göngubrú, þó svo að brot mannsins hafi verið augljóst og skýrt. Skilaboðin frá dómaranum voru alveg skýr:  Vertu bara nógu frekur og þá kemstu upp með hvað sem er.

Þessi skilaboð virðast hafa náð eyrum einhverra samanber vatnsveituframkvæmdir í Heiðmörk og hótelsmíðin í gamla Hlaðvarpanum við Vesturgötuna.  Og náttúrulega Múlavirkjun... Það mætti halda að þeir sem stóðu að þeirri framkvæmd hafi haldið að þau skilyrði sem sett voru fyrir byggingu virkjunarinnar séu eingöngu til viðmiðunar og þeim alls ekki skylt að fara eftir þeim.  Og það sem verra er, svo virðist sem þeir muni komast upp með þetta vegna máttleysis og aumingjaskapar þeirra sem eiga að taka á málum. Að ætla að sleppa því að lagfæra virkjunina vegna orkusölusamnings við HS, er hlutur sem kemur skipulagsyfirvöldum einfaldlega ekki við.  Það er eins og að lögreglan hætti við að taka þýfi af þjófi vegna þess að hann sé búinn að semja um að selja það öðrum. 

Það er mál til komið að það sé farið að fylgjast með framkvæmdum af einhverri alvöru og hætta allri undanlátsemi við menn, bara af því þeir eiga gröfu eða byggingarkrana.  

Landvernd skorar á HS að segja upp samningi um Múlavirkjun