Ætli þetta sé ekki frekar ótti!

Miðað við hvernig viðbrögð fólks hafa verið við öllu því sem Davíð Oddson segir og gerir, myndi ég frekar halda að það séu allir skíthræddir við hann. En mér er hins vegar ekki alveg ljóst við hvað fólk er hrætt í fari Davíðs.

Eru sjálfstæðismenn hræddir við að hann snúi aftur í stjórnmálin og hrifsi til sín öll völd í flokknum?

 Er Samfylkingin hrædd við að hann komi til með að segja frá hve mikinn þátt samfylkingarfólk átti í bankahruninu?

Er Framsókn hrædd við hann, út af fyrra samstarfi í ríkisstjórn,  að hann upplýsi alþjóð um eitthvað misjafnt í einkavæðingu bankanna, sem var á forræði Framsóknar?

Eru Vg-gengið kannski hrætt um að hann komi og kalli þau afturhaldskommatitti?

Ég læt mér ekki detta neitt í hug sem frjálslyndir gætu verið hræddir við í fari Davíðs, enda er Frjálslyndi flokkurinn algjörlega úti á túni þessa dagana, eins og hverjir aðrir grasbítar. Ég efa stórlega að fólk þar muni hvað það heitir þessa dagana.

Það myndi gera stjórnmálunum á Íslandi mikið gott ef fólk hætti að líta á Davíð Oddson sem miðpunkt hins pólitíska alheims, og færi frekar að snúa sér að einhverju sem kemur okkur raunverulega til góða...

Geir: Stjórnuðust af hatri

Nú er rétti tíminn til að búa til fornminjar.

Nú þegar kommúnistastjórn er að taka við hér þá er um að gera að láta sig hverfa úr landi og skilja íbúðina eftir innsiglaða. Koma svo aftur eftir 20 ár og opna í henni safn sem sýnir íbúð sem er óbreytt frá dögum kapitalismans. Það verður gaman fyrir fólk að finna ónotaðann flatskjáinn og PS 3 leikjatölvuna. Og að ógleymdu afsalinu fyrir slyddujeppanum innan um reikningana frá Lýsingu og Avant.

Verst að það verður sjálfsagt búið að bjóða íbúðina upp og einhverjir nýfátækir kommúistar fluttir þangað inn fyrir löngu...

Ósnortin íbúð frá tímum kommúnistastjórnarinnar kemur í leitirnar

Þarf hann ekki að segja af sér?

Hann hlýtur að þurfa að segja af sér formennsku í BSRB vegna afglapa í starfi. Það var jú fyrir þrjóskuna í honum að það er íllmögulegt að reka Davíð úr Seðló...

Ég skil bara ekki af hverju hann axlar ekki ábyrgð...

Ögmundur dregur sig í hlé

Ein lítil tillaga í kreppunni.

Ég geri það hér með að tillögu minni að frá 1. febrúar til 1. desember ár hvert, verði öllum bátum undir ákveðinni stærð og með hámark 2 í áhöfn, leyfðar ótakmarkaðar handfæraveiðar innan við 4 mílur frá landi. Veiðar þessar verði utan kvóta og þeim bátum sem þær stunda verði ekki leyft að veiða utan 4 mílna.

Það er nefnilega bjargföst vissa mín, að ekki sé hægt að ofveiða fisk með handfærum og að sá afli sem þannig fengist sé ekki meiri en svo að hann falli vel innan skekkjumarka Hafró. Þetta myndi hins vegar gefa mörgu sjávarplássinu aftur von um að hægt sé að lifa af hafsins gæðum, og auka nýliðun í stétt sjómanna og einnig útgerðarmanna, sem nú gætu komið undir sig fótunum án þess að stofna til skulda upp á hundruðir milljóna.

 

„Góð áhrif á huga og sál“

Er ekki allt í lagi með fólk?

Hvað er það við Davíð Oddson sem veldur þessum stöðuga taugatitringi og spennu. Hvað er það sem veldur því að það er sama hvort hann talar eða þegir, það er alltaf túlkað og síðan oftúlkað? Það væri nú nær fólk hætti að vera svona hrætt við kallin og fari að umganngast hann eins og hvern annan embættismann í vinnu hjá okkur. Ef púkinn á fjósbitanum er ekki fitaður með stöðugum blótsyrðum, þá veslast hann upp og deyr. Eins verður það með Davíð. Ef pólitískir andstæðingar hans létu það nú bara eiga sig að vera með þessa hysteríu gagnvart honum alltaf hreint, þá hverfur hann að lokum hægt og hljótt af sviðinu og fer að skrifa skemmtisögur eða rækta skógarketti.

Það væri ykkur bara mátulegt sem alltaf eruð að agnúast út í kallin að hann yrði rekin úr Seðló, færi aftur í pólitík og yfirtæki Sjálfstæðisflokkinn. Ég myndi hiklaust kjósa hann, þó ekki væri til annars en að hrella VG-liðið.

Davíð undir væng Ögmundar

Nokkrar sennilegar ástæður fyrir notkun lögreglu á piparúða.

Þjálfun lögreglumann er dýr, því er nauðsynlegt að nota þjálfun þeirra svo hún fari ekki til spillis. Svo er piparúðinn líka dýr og er alveg að vera kominn fram yfir síðasta söludag. Á tímum aðhalds og sparnaðar væri synd að þurfa að fleygja ónotuðum piparúða. Og svo er Björn B. að hætta sem dóms og hermálaráðherra og ég veit að það gleður karlinn alveg ósegjanlega að sjá hvað hann er búinn að vinna vel að framgangi lögreglumála í landinu. Og að lokum langlíklegasta skýringin og sjálfsagt sú eina rétta: Það eru alltaf einhverjir andsk.... örvitar sem skemma góð mótmæli með skrílslátum og hálfvitahætti.

Og þá er ég ekki bara að tala um lögguna...

Kveðja;

Lögregla beitti piparúða

Jibbí...

Segið svo að þessi ríkisstjórn sé vanhæf.  Öðru nær. Nei, hér er sko unnið fram á síðasta dag.

En svona án gríns, þá eru þetta góð tíðindi. Sjálfbærar sjávarnytjar  eru okkur nauðsyn og það er búið að sýna, þó í smáum stíl sé, að það er hægt að selja kjötið. Ég hefi ekki nokkrar áhyggjur af mótmælum gegn Íslandi. Við erum hvort eð er orðin þekkt sem þjóðin sem dru..... upp á bak í því að þykjast vera nútímaleg, framsækin og snjöll bísníssþjóð. Umheimurinn hlýtur að skilja að með þessu erum við bara að snúa okkur aftur að því að vera sömu barbararnir og við vorum fyrir "góðærið

Hvalveiðar leyfðar til 2013

Húrra!

Segið svo að þessi ríkisstjórn sé vanhæf.  Öðru nær. Nei, hér er sko unnið fram á síðasta dag.

En svona án gríns, þá eru þetta góð tíðindi. Sjálfbærar sjávarnytjar  eru okkur nauðsyn og það er búið að sýna, þó í smáum stíl sé, að það er hægt að selja kjötið. Ég hefi ekki nokkrar áhyggjur af mótmælum gegn Íslandi. Við erum hvort eð er orðin þekkt sem þjóðin sem dru..... upp á bak í því að þykjast vera nútímaleg, framsækin og snjöll bísníssþjóð. Umheimurinn hlýtur að skilja að með þessu erum við bara að snúa okkur aftur að því að vera sömu barbararnir og við vorum fyrir "góðærið".

Það var ekki eftir neinu að bíða

Sjórnarslit = vandræði

Ef stjórnin springur er illt í efni. Ekki það að þessi stjórn sem að nú situr, sé svo frábær og fullkomin. Nei, hún mætti margt gera betur og sértaklega ættu þeir Árni Matt og Kristján Möller að segja af sér Árni fyrir ótal margt sem allir vita, plús það að skattaklúðrið vegna Inpregilo er eitt og sér næg ástæða til að láta sig hverfa og koma aldrei nærri stjórnmálum meir. Og Kristján er svo grímulaus fyrirgreiðslupólitíkus og kjördæmapotari að hann er búinn að gera sig með öllu ótrúverðugan. En það er ekki aðalmálið.

Það sem ég óttast mest er liðið í VG sem bíður eftir því að komast í stjórn. Fólk sem hefur ekki komið með neinar lausnir á okkar stóru vandamálum og hefur síðan himnarnir hrundu, starað heiðblint í baksýnisspegilinn og gagnrýnt það sem miður hefur farið. Það vottar ekki fyrir því að VG liðið sé með  raunhæfar lausnir á nokkrum málum. Svar Steingríms við spurningu Geirs H. í kastljósinu um AGS lánið var alveg nóg til að Steingrímur tapaði öllum trúverðugleika sem lausnari þjóðarinnar.

Aðrir möguleikar í stöðunni eru þjóðstjórn og utanþingsstjórn. Ef ég skil VG rétt þá er þjóðstjórn ekki lengur í dæminu og ég hef ekki nokkra trú á að tækifærissinninn á Bessastöðum hafi hina minnstu döngun í sér til að reyna að koma utanþingsstjórn á.

Þannig að ég vona að stjórnin haldi og hreinsanirnar sem hófust í morgun haldi áfram. Ráðuneytisstjórinn í Fjármálaráðuneytinu mætti fjúka með Árna og þó svo að Daví segist hafa varað við þá gerði hann ekki nóg. Trúverðugleiki krónunnar næst ekki erlendis ef seðlabankastjórnin situr áfram.

Því vona ég bara að breytingarnar verði, en þær verði ekki stjórnarslit.

Útilokum ekki breytingar

Ég held með Noregi...

Flott hjá norsurunum. Vonandi ná þeir sem lengst.

Heja Norge

Noregur vann Þýskaland