Hvur djöfullinn er hér í gangi eiginlega?

Munið þið þegar Davíð sagði í Kastljósinu að við ættum ekki að borga skuldir óreiðumanna erlendis? Og var skammaður, úthrópaður og sakaður um að hafa sett allt á hausinn? Er það ekki einmitt að gerast núna sem hann varaði við í þessu viðtali. MEÐ ÞESSUM SAMNINGI VERÐUR ÞJÓÐIN LÁTIN BORGA SKULDIR ÓREIÐUMANNA ERLENDIS. Það er ekki hægt að skilja þetta öðruvísi en svo að það eigi að borga upp í topp allar innistæður einstaklinga á Icesave, en ekki bara þessar 20.889,- € sem samningurinn um EES kveður á um að ríkinu beri að gangast í ábyrgð fyrir. Og af hverju er það gert? Er það ekki til að eiga einhvern möguleika á að geta gengið í Evrópusambandið? Það þykir mér dýr miði til að komast í lélegt partí.

Eða er það virkilega svo, að til að geta staðið við það loforð fyrri stjórnar um að allar innistæður hérlendis skulu tryggðar að fullu, hafi verði ákveðið að borga Icesave upp að fullu líka? Ef svo er, sem ég tel allar líkur á, þá er verið að láta almenning greiða fyrir það að vernda sparifjáreigendur hérna innanlands. Var ekki nóg að það var mokað 200.000.000.000,- kr. inn í peningamarkaðssjóðina til að vernda fjármagnseigendur. Það er eins og að stjórnvöld ætli ekki að skilja að það eru þeir sem áttu pening inni í bönkunum sem eiga að tapa við gjaldþrot þeirra en ekki þeir sem skulduðu þeim peninga. Það fólk á nóg með að borga upp lánin sín á tvöföldu verði þó ekki sé því bætt við að borga upp tap sparifjáreigenda líka. Þessir 200 milljarðar sem búið er að henda í þá hít er alveg nóg.

Það sem á að gera er að verðmeta eignir bankanna af óháðum aðila, og þá meina ég allar eignir þeirra bæði hér og erlendis. Síðan skal koma þessum eignum í verð á 5 árum og forgangskröfur greiddar út, t.d. árlega, eftir því sem fæst upp í þær. Þetta gildi um allar forgangskröfur, bæði hér heima og erlendis. Það má nefnilega ekki mismuna kröfuhöfum eftir búsetu. Þegar sölunni er lokið og þrotabúin tæmd eftir 5 ár, þá kemur í ljós hvort eitthvað sé eftir upp í almennar kröfur. Sé eitthvað ógreitt þá af þessari 20.889,-€ per innistæðu, sem við erum í ábyrgð fyrir þá skal það að sjálfsögðu greitt, en annað ekki.

Engin Icesave-greiðsla í 7 ár

Munið þið eftir Smáralindarbæklingnum?

Þar var unglingsstúlka, siðsamlega klædd á nútímamælikvarða, úthrópuð sem holdgervingur klámvæðingar og sögð vera í "þekktri stellingu úr klámmyndum". (Stúlkugreyið beygði sig fram með krosslagða fætur)!! Nú sýnist mér það sama vera á ferðinni.

Fyrir það fyrsta þá er konan á myndinni ekki fáklædd.

Í öðru lagi er verið að nota myndlíkingu sem er svo auðþekkt og svo ofnotuð að það ætti reyndar fyrir löngu að vera hætt að nota þetta minni, þ.e. að það þurfi að hjúkra bílum vel svo að þeir endist betur og séu öruggari.

Það má með góðum vilja vera sammála Elsu í því að þarna sé verið að nota hjúkrunarfræðings ímyndina á vafasaman hátt, enda er þessi notkun gamaldags og dálítið hallærisleg.  En að finna eitthvað klámfengið við þessa framsetningu er mér lífsins ómögulegt. Ég hef greinilega ekki sama þankagang þegar kemur að búningum hjúkrunarfæðinga og Elsa B. Friðfinnsdóttir...

Ósátt við auglýsingabækling

Hver er munurinn?

Hver er munurinn á fastgengisstefnu og að taka upp annan gjaldmiðil? Í báðum tilvikum þarf að finna úr hvert gengið á að vera þegar ákvörðunin tekur gildi, m.ö.o. þegar nýr gjaldmiðill er tekinn upp þá þarf að ákveða á hvaða gengi hann er skráður við gjaldmiðlaskiptin. Er þá ekki alveg eins hægt að ákveða eitthvað fast gengi á krónunni gagnvart evru og síðan bara fylgja því? Nota krónuna hér innanlands en evru í öllum milliríkjaviðskiptum. Ef við tökum upp evru þá getum við ekki breytt genginu eftir að evran hefur tekið við af krónunni. Það er ekki eftir neinu að bíða því að krónan getur ekki verið sjálfstæður fljótandi gjaldmiðill með sjálfstæða gengisskráningu. Það er búið að sanna það í eitt skipti fyrir öll og þarf ekki að ræða það frekar. Við getum ekki tekið upp annan gjaldmiðil einhliða. T.d. væri það ansi hart að þurfa að kaupa hvern 100 evru seðil á hundrað evrur þegar að hann gengur úr sér við notkun... Dýr prentkostnaður það.  Það eru því ekki margir kostir eftir í stöðunni. Það er jú gasprað um að ganga í ESB, en það hjálpar ekki okkur í dag í gjaldmiðilsmálum. Ísland fengi ekki að taka upp evru  fyrr en að uppfylltum skilyrðum Maastricht sáttmálans.  Eftir 10 - 15 ár!!! Það er bara rugl að halda að við getum beðið eftir því. Við þurfum stöðugleika, framtíðarplön og skynsamlegar áætlanir NÚNA, ekki eftir vikur, mánuði eða ár. 

Og svo væri gaman að vita hvernig stendur á því að skuldir ríkisins vegna bankahrunsins eru á bilinu 1500 til 1700 milljarðar. Eru það allt skuldir sem stafa af ábyrgðum sem ríkið bar á einkabönkunum, eða er verið að skuldsetja okkur til að bjarga "óreiðumönnum erlendis"? Í hvað eiga allir þessir peningar að fara? Spyr sá er ekki veit.

 

Festa gengið í 160 - 170

Enn ein ekkifréttin á Mbl.is

Það er ekki frétt að Ástþór sé illur út í allt og alla. Ef hins vegar hefði veið hægt að skrifa frétt sem hefði byrjað t.d. Ástþór Magnússon ánægður með Rúv, þá hefði sú frétt verðskuldað að vera á forsíðu allra helstu fjölmiðla. En það verður víst aldrei...

Ástþór illur út í RÚV

Enn ruglast Mbl. í þýðingum

Það á ekki að skjóta þeim 110 km. út fyrir gufuhvolfið!!! Það á að senda geimflugvélarnar upp í 110 km. hæð frá jörðu og því 10 km. út fyrir þau mörk sem skilgreind eru sem ytri mörk gufuhvolfsins.

Geimferðamönnum skotið út í geim frá Svíþjóð

Jóhanna ætti heldur að huga að því að standa við gefin loforð...

...heldur en að standa í formannsbrölti hjá Samfylkingunni. Þegar núverandi stjórn var mynduð lofaði Jóhanna að fyrsta verk nýrrar stjórnar væri að leggja fram frumvarp um greiðsluaðlögun. ,Það verður lagt fram á morgun eða hinn,sagði hún þegar nýja stjórnin var kynnt. Svo leið og beið og rúmri viku seinna var þetta frumvarp loks lagt fram. Síðan hefur það verið að þvælast í nefnd og jafnvel verið talað um að það þyrfti að semja nýtt frumvarp. Árni Páll Árnason sagði að honum fyndist að það þyrfti að breyta frumvarpinu þannig að það tæki til skulda við öll fjármálafyrirtæki. Þá hélt maður að þetta hlyti nú að fara að detta í gegnum þingið.  En það gerist ekkert og fólk bíður og bíður í óvissu, og á meðan tikka vextirnir og helv.... verðtryggingin.

Jóhanna og hennar lið þarf að fara að rífa sig upp á rasshárunum og klára sinn loforðalista. Það er vægast sagt undarlegt að þau mál sem mest áhersla hefur verið lögð á, var að losna við Davíð úr Seðlabankanum og að breyta stjórnarskránni. Það er vissulega þörf á stjórnarskrárbreytingum en fyrst þarf að bjarga sálarástandi fólksins sem bíður og bíður... Ef ekkert gerist  mjög fljótlega þá fer að verða full ástæða til að berja potta og hrópa VANHÆF RÍKISSTJÓRN!!!

Enginn mætti í blysförina

Hvað kemur þetta Noregi við?

Hvers vegna er verið að blanda Noregi inn í þessa frétt? Ef ég skil þetta rétt þá varð þessi skjálfti innan 200 mílna frá Svalbarða. Það er ekki norskt hafsvæði og verður vonandi aldrei. Svalbarði er alþjóðlegt landsvæði og á öllum ríkjum sem skrifað hafa undir Svalbarðasáttmálann að vera frjálst að nýta þar gæði láðs og lagar. En Norðmenn eru dálítið heimaríkir þarna og í krafti niðurgreiddrar kolavinnslu sem þeir stunda á Svalbarða, hafa þeir tekið sér vald til að ráðslaga þar með ýmsa hluti, sérstaklega hverjir megi veiða innan 200 mílna fiskverndarsvæðiser þeir nefna svo, í kring um eyjarnar. Það kemur því ekki á óvart að þegar norðmenn greina frá jarðskjálfta við Svalbarða, að þá tali þeir um að hann hafi orðið í Noregi.

Það mætti þá alveg eins segja að hann hafi orðið í Rússlandi því að Rússar hafa einnig stundað kolanám og fiskveiðar á og við Svalbarða...

Stærsti jarðskjálfti í sögu Noregs

Til þerra sem málið varðar

Í minni síðustu bloggfærslu fjallaði ég um stórundarlegt viðtal við skólastjóra frá Sandgerði. Eins og sjá má þar fannst mér margt athugavert við svör hennar. Þá hafði ég ekki, frekar en flestir aðrir sem um þetta mál tjáðu sig, fengið að vita forsögu atburðanna. Nú þegar það er komið fram þá vil ég byrja þvi að halda því til haga að ég stend við það sem ég sagði, að mér þykir ennþá að svör hennar í þessu viðtali hafi verið vægast sagt einkennileg. Og jafnvel ennþá einkennilegri þegar ég veit forsöguna. En ég get alveg viðurkennt að ég var sennilega full dómharður og dró stundum rangar ályktanir af þessum svörum sem hún veitti blaðamanni. En það er mér jafnframt ljúft og skylt að biðja hana og aðra þá sem ég kann að hafa sært með skrifum mínum um þetta mál, innilega afsökunar.

 

Óvægin ummæli á bloggi

Afneitunin er alger.

Það var vægast sagt undarlegt að hlusta á þessa skólastýru tjá sig um ofbeldisvek sem framið var í skólanum hjá henni.

1.Hún taldi að meiðslin og  málið allt hefði verið hefði verið blásið út í fjölmiðlum: Drengurinn var með lausar tennur og tapaði heyrn tímabundið!!

2. Hún fullyrti að ekki hefði verið i um einelti eða stríðni að ræða: Drengurinn var uppnefndur og síðan barinn þegar að hann vildi ekki una uppnefninu!

3. Hún taldi það málinu algerlega óviðkomandi að annar árásaraðilanna var þjálfaður í hnefaleikum: Voru lausar tennur og heyrnarleysi þá alls ekki vísbending um að drengurinn hefði verið sleginn í andlit og á eyrað. Og finnst henni það algerlega óhugsandi að dreng sem þjálfaður er í að berja í höfuð andstæðinga sinna í hnefaleikahringnum, gæti dottið það í hug að beita þessari þjálfun sinni á skólafélaga sína!

Það skín í gegnum allan málflutning þessarar konu að hún er í bullandi afneitun: Það er ekkert einelt í mínum skóla. Það er engin nemandi hjá mér sem beitir lærðum fólskubrögðum á samnemendur sína. Og það er algjör óþarfi að vera gera eitthvað mál úr þessu þó að nemandi hjá mér þurfi að fara á sjúkrahús. Ég beið bara eftir því að hún bætti við: Hann var nú bara kallaður Polli...!!!

Blóðug slagsmál skóladrengja

Gullaldarmálfar í hávegum haft.

Leikmönnum Þróttar vantar aðeins sigur í einni hrinu í þremur síðustu leikjum sínum á Íslandsmótinu til þess að deildarmeistaratitillinn sé þeirra.

 Þarna gaus upp svæsið tilfelli af þágufallssýki.  Það er leitt að Matti Jóh. er hættur sem ritstjóri, Hann kunni að bólusetja blaðamenn gegn þannig pestum...

Þróttur nærri deildarmeistaratitli