Það hlaut að koma að því.

Oft ratast kjöftugum satt á munn og það hlaut líka að koma að því að Neigrímur J. segði eitthvað af viti.

Eftir að bankabófarnir eiðilögðu endanlega fyrir okkur blessaða krónuna, þá varð það morgunljóst að við þyrftum nýjan gjaldmiðil. Og við þurfum hann strax. Einhliða upptaka gjaldmiðils er að mínu viti vondur kostur. Trúverðugleiki okkar er nú þegar kominn það langt niður fyrir alkul, að það er ekki á það bætandi. Því þurfum við að semja við einhvern aðila um að fá að nota galdmiðil viðkomandi ríkis.

Evran er engin lausn. Það tekur langan tíma að, í fyrsta lagi að ganga í ESB, og í öðru lagi, er það þrautin þyngri að komast inní myntbandalagið.

USA dollarinn er fjarlægur kostur. Ég efa það að  seðlabanki Bandaríkjanna hafi nokkurn áhuga á því að stunda seðlaprentun og vera bakhjarl okkar. Ekki vildu þeir gera við okkur gjaldeyrisskiptasamning blessaðir.

Þá eru eftir myntir einstakra ríkja t.d. svissneski frankinn, japanska jenið eða norska krónan. Af þessum möguleikum er norska krónan hentugust. Sveiflur hennar eru tengdar verði á orku og matvælaum s.s. fiski. Þá eru norðmenn þekktir fyrir aðhaldssemi og því væri okkur hollt að kynnast þannig vinnubrögðum nánar en af afspurn, eins og reyndin hefur verið hjá okkur til þessa.

Það sem við þurfum að gera, er að semja við norðmenn um að fá að nota krónuna þeirra. Við leggjum niður seðlabankann okkar en fáum einn fulltrúa í stjórn seðlabanka Noregs.  Síðan væri tilvalið fyrir Færeyjar og Grænland að ganga inn í þetta myntbandalag norðursins.

Hugnast norska krónan

Athugasemdir

[Aðalsteinn Bjarnason, 30.1.2009 kl. 20:15]

Ég held að ef við ætlum að taka upp annan gjaldmiðil einhliða þá er dollarinn hentugastur. Öfugt við Evrópusambandið þá er Bandaríkjunum alveg sama þó aðrir noti dollarann og þeim finnst það bara ágætt. Dollarinn er í raun eini alþjóðlegi gjaldmiðillinn. Evran er bara smámynt við hlið dollarans. 70% af öllu gjaldeyrisvaraforða heimsins er í dollurum.

Annars held ég að það sé best fyrir okkur eins og nú er háttað að halda í blessuðu krónuna. Nú, þegar búið er að skera þetta ofvaxna bankakerfi frá landinu þá ætti hún að jafna sig með tímanum.