Það er kominn tími til að loka þessari skattsvikastarfsemi.

Ekki skil ég langlundargeð tollstjórans að láta það óátalið að skipulögð undanskot á virðisaukaskatti skuli vera liðin í húsnæði tollstjóraembættisins eins og viðgengist hefur í Kolaportinu.  Þegar þetta byrjaði þá var hugmyndin að lofa almenningi að selja kompudótið sitt en undanfarin ár hefur þarna verið rekin smásöluverslun með t.d. austurlenskar vörur  og þar hef ég, og fleiri sem ég hef talað við, orðið var við að ekki hefur verið mikið verið að slá inni í sjóðsvélar þegar sala fer fram og þ.a.l. ekki verið greiddur Vsk. af sölunni eða farið eftir reglum um bókhald.

Það er því mál til komið að þessari starfsemi verður lokað og þó fyrr hefði verið..

Safna undirskriftum gegn breytingu á Kolaportinu

Athugasemdir

[Ellert Sigurðsson (IP-tala skráð) 7.9.2007 kl. 02:30]

Ég ætla að vera þér alveg ósammála - ef kolaportið væri ekki, þá myndi ég ekki nenna niður í miðbæ Reykjavíkur um helgar - enda ekkert þar sem heillar, enda er nánast allt á laugaveginum lokað á sunnudögum og ef að kolaportið hættir, þá hættir maður bara að eyða aurum í miðbæ Reykjavíkur, enda djamma ég ekki og þar með er eina aðdráttaraflið við miðbæinn um helgar horfið.

 Svo kannski ættirðu að koma með óyggjandi sönnun fyrir undanskotum frá skatti og banka upp á hjá tollstjóranum eða kalla til lögreglu - skil ekki ef þú hefur svona ægilega réttlætiskennd, það er erfitt gera það.

[Ólafur Jóhannsson, 7.9.2007 kl. 07:49]

Það er svosem engin kvöð að fara niður í miðbæ ef fólk hefur ekkert þangað að sækja.  Ekki frekar en að fara í Kópavog, Heiðmörk eða Hafnirnar. Og réttlætiskenndin er ekkert ofboðsleg þó manni blöskri að svona svik fari fram í húsnæði innheimtumanns ríkissjóðs. Og ef þú trúir mér ekki þá eru hæg heimatökin hjá þér að sjá þetta með eigin augum. Kolaportið var skemmtilegt og sniðugt en nú finnst mér orðið hálfgert óbragð af stemmingunni þarna...