Nei, álagning er ekki einkamál.

Við erum öll þáttakendur í þessu þjóðfélagi svo að á ekki að vera neitt leyndarmál hvað hver og einn leggur til með sér í hinn sameiginlega pott.  En það er hinns vegar álitamál hvort sumir hafi þroska til að meðtaka það hvað aðrir hafa greitt í skatt, sökum öfundar og samanburðarsýki.  En það verðum við að lifa með, við lifum í mannheimum en ekki útópíu SUS guttanna.

Er álagning einkamál?

Athugasemdir

[Predikarinn - Cacoethes scribendi , 31.7.2007 kl. 14:55]

Jú , en skattyfirvöld fylgjast með því að hver og einn greiði það sem honum ber. Opna þjóðfélagið setur reglur um hvað og hvernig skal skattleggja og í hvaða hlutfalli það er gert. Það varðar ekki aðra en til þess bæran starfsmann þjóðarinnar á skattstofunni að fylgjast með tekjum viðkomandi, og sjá til þess að viðkomandi telji fram samkvæmt því. Þig varðar einungis um að þessir opinberu starfsmenn skili þessu hlutverki með prýði.

Með sömu rökum og þú nefnir mætti krefjast þess að sjúkraskrár væru lagðar fram svo allir geti séð að Sigga fjöruga var með lekanda í fyrra, sömuleiðis að Jói töffari lét laga klamydíu og Siggi ljóti lét laga nefið sitt.

[Vilhjálmur Andri Kjartansson (IP-tala skráð) 1.8.2007 kl. 01:12]

Hvað með sjúkraskrár? eiga þær ekki að vera öllum opnar? Á "þjóðin" ekki "rétt" á að fá að vita um heilsufar náungans? Ég hlýt að hafa rétt á því að vita hvað nágranni minn er að nota heilbrigðiskerfið mikið ég er nú að borga fyrir það með skattinum mínum sem nágranninn getur fylgst grant með kjósi hann svo.

[Rómverji (IP-tala skráð) 1.8.2007 kl. 12:16]

Opinber gjöld eru opinber. Það eru sjúkraskrár ekki. Samlíkingin á þess vegna ekki við.

[Ólafur Jóhannsson, 1.8.2007 kl. 12:19]

Það er nú einu sinni svo að þú velur þér ekki að verða sjúklingur og þurfa að "nota" heilbrigðiskerfið eins og þú orðar það. Það er vonandi þannig að fólk almennt er ekki að fara til læknis að gamni sínu, til að eyða úr sameiginlegum sjóðum okkar.  En þú hefur frjálst val um það hve mikið þú vinnur, t.d. hvort þú kýst að vera í skóla hálfa ævina eða fara að vinna strax eftir grunnskóla. Og síðast en ekki síst þá eru fjöldi manna sem geta valið um hvort þeir vilji yfirleitt greiða skatta hér.  Síðan skil ég ekki hví það þarf að vera eitthvað leyndó hvað menn hafa í tekjur, ég veit ekki betur en þeir sem hafa verið á lista yfir gjaldahæstu menn séu bara stoltir af því.

Eru kannski SUS guttarnir hræddir um að einhverjir sjái að þeir eru ekki eins duglegir að græða og þeir þykjast vera??

[Vilhjálmur Andri Kjartansson (IP-tala skráð) 2.8.2007 kl. 17:58]

Þetta er ekki spurning um að fólk kjósi sér sjúkdóm, það sem kemur inn í kassan hjá ríkinu skal opinberað en það sem fer út ekki? Það á ekki að vera einkamál hver er að fá atvinnuleysisbætur og hver er að fá frá tryggingastofnun ríkisins. Er ekki almenningur að greiða fyrir þessar bætur? Á þá "þjóðin" ekki "rétt" á að fá að vita í hvað peningar hennar fara í? Ég vil bara getað borið saman sjúkraskrár við bætur það mun auka öryggi skattgreiðenda gegn svindli.

Röksemdafærsla þín byggir alfarið á því að ÞÚ sjáir ekkert að því að upplýsa laun annarra. Það eru ekki allir sem vilja að nágranninn sé með nefið ofan í tekjum sínum og við eigum að virða þann sjálfsagða rétt manna. Það er alls ekki sjálfgefið að við greiðum skatta. Skattur er nauðungagreiðsla einstaklinga til ríkisvaldsins sem hefur einokun á beitingun þvinganna á Íslandi. 

[Ólafur Jóhannsson, 3.8.2007 kl. 12:17]

Af hverju sagðir þú ekki strax það sem greinilega býr að baki hjá þér. ÞÚ VILT EKKI BORGA SKATTA, þú vilt geta bara geta lifað og leikið þér eins og Palli sem var einn í heiminum. Og síðan þegar eitthvað bjátar á þá ætlar þú að vera búinn að safna þér svo góðum varasjóð, (með því að borga enga skatta) að þú getir borgað fyrir þig og þína, læknisaðstoð og elliheimilisvist.

Það þíðir lítið að reyna að halda uppi rökrænum skoðanaskiptum við þig og þína líka, þið eruð blindaðir af kenningum sem aldrei geta virkað í raunveruleikanum.

[Vilhjálmur Andri Kjartansson (IP-tala skráð) 3.8.2007 kl. 14:21]

Merkilegt hvað menn leggjast lágt þegar þeir eru kominir í rökþröng. Þú hefur semsagt engin rök með málstað þínum og telur þig því knúinn til að reyana gera mér upp skoðanir. Þetta er svo sem alþekkt í rökfræði þ.e. menn benda á annað þegar þeirra eigin röksemdafærsla er núll og nix.

Ég þakka samt sæmilegar rökræður framan af og vona að þú náir að slípa til og þroska rökstíl þinn í framtíðinni.