Eru allir hættir að berja potta og pönnur...?

Er ekki tilvalið að mótmæla svona framkomu við mann sem ekkert hefur til saka unnið annað en að segja það sem honum bjó í brjósti. Það er helvíti hart að hafa slíkan drullusokk og hálfmenni fyrir yfirmann að það megi ekki benda á mismunun og bruðl í fyrirtækinu án þess að vera rekinn. Ég hélt líka að Toyota þyrfti á öllu öðru að halda núna þegar bílasalan er botnfrosin heldur en að fá svona umtal. Ekki mun ég hafa neitt saman við Toyota að sælda meðan þessi gibbonapi er við stjórn þar...

Bloggari rekinn fyrir skrif

Athugasemdir

[hilmar jónsson, 5.2.2009 kl. 18:48]

Taktu frumkvæði með þína potta.

[Baldur (IP-tala skráð) 5.2.2009 kl. 19:16]

Tja sagan segir að umræddur starfsmaður hafi verið ansi iðinn með fólkinu niðrá Austurvelli í januar.. kannski fékk hann að fjúka vegna þess að hann mætti illa í vinnuna? Hvað vitum við, það eru tvær hliðar á öllum málum. 

[Benedikt (IP-tala skráð) 5.2.2009 kl. 19:45]

Hann Halldór blessaður er nú iðinn að sanka að sér eitthvað svona rugl...hugsið málið til enda ekki er allt sem sýnist

[Þorsteinn H. Gunnarsson (IP-tala skráð) 5.2.2009 kl. 19:48]

Þessi athugasemd frá Baldri er afar sérkennileg. Reynt er að koma því á flot

að starfsmaðurinn hafi mætt illa í vinnuna. Þar er til að taka að fundirnir á

Austurvelli voru á laugardögum. Ég þekki það ekki nógu vel, hvort starfsmaðurinn

hafi haft vinnuskyldu á laugardögum.

 

Sem viðskiptavini Toyota finnst mér þetta mál afar, afar slæm.

 

Þetta er prófsteinn á að stjórnarskrárvarinn réttur manna til skoðanafrelsis sé virtur.

Ég kem ekki auga á að starfsmaðurinn hafi skaðað fyrirtækið en er ekki í stöðu til að

fella dóm um það.

 

Ég vil ekki að ívilnanir til forstjóra umfram það sem eðlilegt er leiði til hærri gjalda á mér fyrir þjónustu.

[Jóhannes Sigurðsson (IP-tala skráð) 5.2.2009 kl. 19:51]

Ég verð nú bara að segja fyrir minn smekk sem fyrrverandi starfsmaður hjá þessu fyrirtæki að svona framkoma er með öllu  ólíðandi, ég var látin fjúka fyrir nákvæmlega sama hlut. Ég mætti vel til vinnu en var rekin korter fyrir jól vegna skrifa minna, ekki voru þau merkileg annað en ég sagði að toyota væri illa rekið fyrirtæki að búið væri að taka af okkur jólabónusinn og jólahlaðborðið. Degi seinna er ég kallaður á skrifstofu fyrirtækisins og engin áminning var rekin með því sama, maður með fjölskyldu rekinn korter í jól.

Kv. Jói

[hilmar jónsson, 5.2.2009 kl. 19:52]

Hjartanlega sammála Þorsteini. Frekar lúalegt komment hjá Baldri.

Svona verða kjaftasögurnar til.

[Ólafur Guðmundsson (IP-tala skráð) 5.2.2009 kl. 20:14]

 Þú hagar þér þá  betur næst  Jóhannes og það skiptir engu hvort maður sé með fjölskyldu korter fyrir jól, Þú átt bara að koma skoðunum þínu við þinn yfirmann, ekki sitja fyrir framan tölvuna og væla............... jólabónus og jólahlaðborð hverjum er ekki sama........

[Jóhannes (IP-tala skráð) 5.2.2009 kl. 20:29]

það var ekki neinn að væla eitt eða neitt þetta voru bara komment milli starfsmanna fyrirtækisins,það var ekki eins og ekki hafi verið komið á framfæri skoðunnum til yfirmanns. Þetta kom ekki fram í bloggi eða neitt á þann háttinn.

[Jóhannes (IP-tala skráð) 5.2.2009 kl. 20:42]

Ástæða þess að ég kommentaði á þetta blogg var það sem var skrifað um umræddan starfsmann, ekki þurfa menn að mæta illa í vinnuna til að vera reknir. Ekki til að væla yfir því að ég hafi verið rekinn svo það sé á hreinu.

[hilmar jónsson, 5.2.2009 kl. 20:51]

Skil þig vel Jóhannes. Það skammarlegt að menn skuli í dag vera ofsóttir í anda McCarthy's,

fyrir skoðanir sínar. Svoleiðis brutalisma á EKKI að líða.

[Baldur (IP-tala skráð) 5.2.2009 kl. 21:01]

Er ekki að búa til gróusögur, bara velti þessu fram, hvað vitum við?  Mótmælin í janúar voru einnig á virkum dögum, þarna vikuna sem allt fór í rugl.  Ég fullyrði ekki að maðurinn hafi verið þar í hvert einasta sinn en hægt er að lesa á bloggi blessaða piltsins að hann hefur tekið virkan þátt í mótmælunum.  Hvort það hafi haft áhrif á vinnu er ekki hægt að fullyrða.  Bið afsökunar ef einhver hefur tekið þessu vitlaust, ég get auðvitað ekki fullyrt um slíkt og dreg það ekki í efa að þetta sé góður starfsmaður að mörgu leiti.  Kjánalega orðar hjá mér að ofan, viðurkenni það. En ítreka það að starfsmenn eiga að bera á borð kvartanir til trúnaðarmanna eða beint til yfirmanna, ekki á vefnum.  Það er mín skoðun.

[Baldur (IP-tala skráð) 5.2.2009 kl. 21:08]

Ítreka að ekki vil ég gera gróusögur, en hér er bloggfærsla frá umræddum starfsmanni sem segir frá sjálfur að hann hafi verið alla vikuna að taka myndir af mótmælunum. 

 http://folkerfifl.blog.is/blog/folkerfifl/entry/785787/

Ekki veit ég hvort það hafi verið á vinnutíma sem hann var þarna en ansi mikið af mótmælunum fóru fram á almennum vinnutíma.  Ef til vill var umræddur maður í fríi, kannski mætti hann ekki nema eftir vinnu?  Hver veit, en það eru tvær hliðar á öllum málum.  Kannski eru þeir Toyota menn að hlífa starfsmanninum?  Kannski eru þeir drullusokkar?  Málið er að við vitum það ekki.  Það er ansi hart að sjá fólk dæma forstöðumenn fyrirtækisins og hóta þeim öllu illu þegar engar sönnur eru í þessu öllu saman.  Bara orð biturs starfsmanns sem fékk að fjúka.  Þannig horfir málið fyrir mér en eflaust eru ekki kurl komin til grafar í þessu máli.

[Þorsteinn H. Gunnarsson (IP-tala skráð) 5.2.2009 kl. 21:30]

Ég sé að Baldur er drengur góður og vissulega eru alltaf tvær hliðar á

hverju máli sem skoða þarf. Ég mundi ekki eftir þessum aukamótmælum.

 

Þetta kemur allt í ljós þegar forstjórinn gefur skýrslu.

 

Varla vill hann að allir fari að versla við Brimborg vegna skoðanarígs.

 

 

[Ólafur Jóhannsson, 5.2.2009 kl. 22:04]

Það er rétt að halda því til haga að samkv. skriflegum útskýringum sem Halldór fékk á uppsögn sinni, þá var ástæða uppsagnarinnar ekki slæm mæting. Það er því nokkuð ljóst að allar fabúleringar um slíkt eru byggðar á hæpnum forsendum.

Það að Jóhannesi var sagt upp fyrir svipaðar sakir, sýnir að þessi forstjóri er ekki alveg jarðtengdur.  Hvernig í hálfsokknu helvítinu heldur maðurinn að hægt sé að halda góðum starfsanda í fyrirtækinu þegar menn mega ekki einu sinni ræða málin sín á milli án þess að verða reknir á punktinum...?

Ég bara spyr...