Nákvæmni í tímaáætlunum og mælingum.

Það er greinilegt að það er fleira en tímaskynið er svolítið brogað hjá þessum snillingum, því þeir kunna ekki heldur á málband.  Miðað við myndirnar sem voru sýndar í fréttunum á RÚV þá skóf húsið utan í nokkur hús á leiðinni. Ef það hefur hvergi munað minna en 2 cm. þá hefðu þeir ekki skemmt fyrir milljónir á leiðinni. Í svona flutningum gildir að undirbúa sig vel og hafa tæki sem hæfa verkefninu s.s. vagn með stillanlegum fjöðrunarbúnaði (loftpúðafjöðrun).  Það hvarflar að manni að þarna hafi verið að verki menn sem ekki hafi kunnað til verka og haldið sig klárari en raun bar vitni.

Munaði „bara tveim sentimetrum“

Athugasemdir

[kalla (IP-tala skráð) 19.9.2007 kl. 10:33]

Það stóð aldrei til að flytja húsið á 2 tímum það var talað um að það tæki 2 tíma að hífa húsið á flatvagn til flutnings annað er einhver misskilningur. Þessi akstursleið var sú eina sem kom til greina, og var vitað frá upphafi að aðstæður væru þröngar og erviðar. Þeir sem komu að þessu verki eiga ekkert annað skilið en hrós fyrir dugnað og hörku að leysa þetta verkefni. Þegar um svona hátt hús er að ræða er það alveg vitað fyrir fram að það mun vera hreyfing á húsinu þannig að það var vitað að einhverstaðar mundi húsið fara utan í miðað við hvað þetta voru þröngar aðstæður. Þetta var líka spurning um að vera með nógu háan vagn til þess að húsið næði uppfyrir þakskyggnið á sem flestum húsum við Klapparstíg ekki spurning um loftpúða. Og ég tala nú ekki um bílstjórann á bílnum en hann er algjör snillingur. Að lokum vil ég segja að fólk eigi að kynna sér rétta stöðu mála áður en það fer að tjá sig um það opinberlega.

[Ólafur Jóhannsson, 19.9.2007 kl. 13:17]

Ekki er ég að hnýta í bílstjórann eða flutningsleiðina, heldur benda augljósar villur í málflutningi þeirra sem að flutningunum stóðu í fréttunum. Þegar húsið rekst í annað hús, munar minna en 2 sentimetrum!! Og ef það var ekki meiningin að flytja húsið á 2 tímum þá eru það nýjar fréttir, því að enginn hefur haft fyrir því að leiðrétta það  hjá Mbl.is.  Með loftpúðafjöðrum er hægt að stilla húsið af í sem réttasta stöðu þegar gatan hallar og í flestum tilfellum hefur það reynst nægjanleg þannig að ekki hefur þurft utanaðkomandi stuðning við húsin.