Það ber enginn virðingu fyrir lyddum

Ef samningsmarkmið okkar eiga aðeins að vera lægri vextir, en ekki krafa um úrskurð á lögmæti Icesave skuldarinnar, þá eru þeir sem að þeim samningsmarkmiðum standa, lyddur og landráðamenn. Sama hvar í flokki þeir standa.
Það er eins og stjórnmálamennirnir skilji ekki að andstaðan við Icesave meðal þjóðarinnar er fyrst og fremst vegna þess að það liggur ekki fyrir hvort og hve mikið Íslenska ríkinu ber að greiða.
Á MEÐAN AÐ ÞAÐ LIGGUR EKKI FYRIR VERÐUR EINGIN SÁTT EÐA SAMSTAÐA MEÐAL ÞJÓÐARINNAR!!!
Þegar að Steingrímur talar um að hagsmunir okkar séu þeir helstir, að drífa samningana af með öllum ráðum, er hann þá að hugsa um langtíma hagsmuni? Ég held ekki! Þó einhverjar tafir verði á endurreisn efnahgslífsins munu þær aldrei kosta okkur 180 milljarða í beinhörðum gjaldeyri, en það er sú lámarksupphæð sem bara vextirnir af Icesave verða. Hvað þá þeir 500.000.000.000,- kr. sem er hámarksupphæð vaxtagreiðslanna!
Ef að allt fer á versta veg og okkur verður gert skylt að greiða, þá er það í Ísl. krónum. En það er mun skárri kostur fyrir okkur að þurfa ekki að taka allann gjaldeyri sem við öflum okkur og senda hann beint úr landi aftur.
Þessi málatilbúnaður allur hefur frá upphafi einkennst af minnimáttarkennd gangvart umheiminum og hroka og yfirgangi gagnvart okkur almenningi sem á samt að borga brúsann. Það er ekki gæfuleg aðferð til að semja um framtíð þjóðarinnar. Það ber enginn virðingu fyrir lyddum.

Myndu stefna á lægri vexti